Irisgarritasun menua

Ezagutu zer dagoen gure jardueren sekuentziazio-eredu adimentsuenaren atzean.

Matificen, jardueren sekuentziazioari buruzko galderak etengabe jasotzen ditugu. Zein da gure jarduerak sekuentziatzeko modurik onena? Gure erantzuna Abenturen Uhartea litzateke.

Ikasle bat Abenturen Uhartean sartzen den bakoitzean, berarentzat bereziki diseinatutako ikaskuntza-ibilbide bati ekiten dio, bere indarguneen, zailtasunen eta ikasteko estiloaren arabera. Baina Abenturen Uhartea ez da jarduera errazagoak edo zailagoak gomendatzera mugatzen.

Atzean, algoritmo-adaptatibo adimentsu batek etengabe lan egiten du, ikasleak ikusten duen jarduera bakoitza une egokian egokiena izan dadin bermatzeko, eta betiere ikaskuntzan konpromisoaren eta aurrerapenaren arteko oreka ezin hobea lortzen duelarik.

Nola aukeratzen dugu jarduera bakoitza

Ez dugu ikaskuntza-ibilbide estatikoetan sinesten, ezta guztientzat neurri bereko moldeetan ere. Abenturen Uharteko jarduera bakoitza gure algoritmo adaptatiboak arretaz hautatzen du, eta errendimenduaren historia, curriculumaren erritmoa eta jardunari buruzko datuak erabiltzen ditu ikasle bakoitzaren ikaskuntza-ibilbidea pertsonalizatzeko.

Zer da algoritmo adaptatibo bat?

Algoritmo adaptatibo bat datuekiko esposizioaren arabera automatikoki doitzen den adimen artifizial mota bat da. Horrek esan nahi du ikasle batek jarduera bat egiten edo osatzen duen bakoitzean -nahiz eta beste ikaskuntza-eremu batzuetan izan- zerbait berria ikasten duela, eta bere gomendioak eguneratzen dituela ezagutza berri horietan oinarrituta.

Jarduera egokiena hautatzeko garaian, lehentasun asko ditugu kontutan emaitza orekatua izan dadin:

• Ikaslearen ikaskuntza-ibilbidean helburu bat bete behar du: gai berri bat ezagutzen laguntzea, ulermen kontzeptuala garatzea edo praktikatzeko eta jariotasuna eraikitzeko baliatzea.
• Ikaslea motibatuta eta ikasten jarraitzeko moduan mantendu behar du. - Ikasgela osoaren curriculum-erritmoarekin eta irakasleak erabiltzen duen ikasketa-planarekin lerrokatuta egon behar du.

Oreka hori lortzeko, jarduera bakoitzerako ponderazio-sistema bat erabiltzen dugu:

• Curriculumaren erritmoa: Zein ikaskuntza-helburu ezarri du irakasleak ikasgelarako? ""Gai bat ezarri"" funtzioarekin, irakasleek nabarmendu egin ditzakete ikasleek menperatzea nahi dituzten edukiak. Algoritmoak bere gomendioak doitzen ditu, helburu horretarako bidean eraikitzen duten jarduerei lehentasuna emateko, ikasle bakoitzaren behar indibidualetara egokituz beti.
• Ezagutza-fluxuak: Jarduera honek gai berri bat ezagutzen laguntzen du, ulermen kontzeptuala sendotzen du edo jariotasuna garatzen laguntzen du? Eta ikasleak gai berri batekin zailtasunak baditu, zein oinarrizko trebetasun indartu behar ditu arrakasta izan dezan?
• Zehaztasunaren iragarpena: Zenbateraino da litekeena ikasleak jarduera honetan ondo jardutea? Honek erronkaren eta konfiantza eraikitzearen arteko oreka zaintzen laguntzen digu.
• Konpromisoa (inplikazioa): Ikasleak jakin-minez eta motibatuta jarraitzea nahi dugu; horregatik, algoritmoak askotariko jarduera dibertigarriak eta estimulatzaileak txertatzen ditu, interesari eusten laguntzeko.

Algoritmoari jarraibide sendo batzuk ematen dizkiogu, testuinguru desberdinetan ponderazio horiek nola hartu behar dituen kontuan zehazten dituztelarik. Jarraibide horien artean daude, besteak beste, zailtasunak dituen ikasle bati nola lagundu, interes falta sumatzen denean zer egin, edo gai berri bat nola aurkeztu.

Pedagogiaren ikuspegitik diseinatua

Matific-en pedagogia egiten dugun guztiaren erdigunean dago. Ikasleek kontzeptu matematikoen atzean dagoen “zergatia” ulertzea eta beren ikaskuntza-ibilbideaz gozatzea bilatzen dugu une oro. 

Horregatik, gure hezkuntza-diseinuko taldeek gai bakoitzerako ezagutza-fluxuak diseinatu zituzten. Ezagutza-fluxu batek, ikasleek kontzeptu bakoitza zein ordenatan ikasi behar duten zehazten du: lehenik menperatu beharreko oinarrizko trebetasunak, ondoren ulermen kontzeptuala, eta, azkenik, jariotasunaren garapena.

Adibidez, zatiketak menperatzeko, ikasleak kenketari buruzko aurre-ezagutzetatik abiatu, eta banaketa nozioa zenbaki txikien zatiketarekin lotzen hasten gara, pixkanaka pentsamendu konkretutik abstrakturantz igaroz.

Magia horretan datza: ikasle bakoitzak erritmo desberdinean ikasten duela. Batek, benetan ulertzeko zer den banatzea, hiru jarduera behar izan ditzake; beste batek, berriz, berehala egin dezake lotura hori. Horrela, jardueren erritmoa eta ordena ikasle bakoitzarentzat aldatu arren, algoritmoak beti errespetatzen du ezagutza-fluxuaren sekuentzia.

Aurrerapen-egiaztapenak

Abenturen Uhartea garatzen joan ahala, ikasi dugu oso garrantzitsua dela ikasleei dagoeneko dakitena erakusteko aukera ematea, batez ere ikaskuntza hori Matific-en kanpoan gertatu bada, eskolan edo etxean, adibidez.

Hori babesteko, “aurrerapen bizkorreko” uneak txertatu ditugu: hauek erronka txikiak dira, ikaslea azkarrago aurrera egiteko prest dagoen egiaztatzeko pentsatuak. Ikasleek arrakasta balute, algoritmoak bere ikaskuntza-ibilbidea doitzen du eta curriculumean aurrerago kokatzen ditu. Horrela, dagoeneko kontzeptu bat menperaturik duten ikasleek lan errepikakorrak saihestu ditzakete, eta euren ibilbidea eraginkor, esanguratsu eta motibatzaile mantentzen da.

Ikaskuntza adaptatiborik adimentsuena

Gaur egun, Abenturen Uharteko algoritmo adaptatiboak %82ko zehaztasuna lortu du iragarpenetan. Horrek esan nahi du ikasle batek jarduera batean nola jardungo duen aurreikusi dezakegula, ariketa bera hasi ere egin baino lehen.

Eta gero eta adimentsuagoa bihurtzen ari da. Honelako funtzioak garatzen ari gara:

• Amore ematearen iragarpena, ikasleak deskonektatzea saihutzen laguntzeko.
• Motibazio-bultzadak, ikaslea berriz ere bereganatzen dutenak une egokienean jarduera dibertigarri baten bidez.

Eta irakasleentzat? Gure sistemak ikasleen Menperatze txostenak, Jakintza mailaren iragarpenak eta Gai bat ezarri tresna indartsua eskaintzen ditu, jarduera bakoitza eskuz esleitu beharrik izan gabe ikasle bakoitza lagundu ahal izan dezazun.

Guztira, berrikuntza hauek lagungarri dira ikasle bakoitzak erritmo egokian eta behar duen babes-maila egokiarekin ikas dezan bermatzeko; horrela, irakasleei ikuspegi argiagoa eskaintzen zaie, eta ikasleei bide seguruago, motibatzaile eta atseginago bat eskaintzen zaie matematikaren bidez.