Ikasleek irakasleek ez bezalako ikuspegiak ematen dituzte

Irakasleek edukiak irakasten dituzten bitartean, ikasleek, jakin-mina eta ezagutza intuitiboa erakusten dute.

Orduan, zein da ikasleen eta irakasleen arteko topagunea?

Webinar batean, Matific-eko Batzorde Akademikoko kideak, Dor Abrahamson irakasleak, azaldu zuen nola irakasleek hainbat gai irakasteko orduan haien ikuspegia alda dezaketen  ikasleekin bat egiteko helburuarekin."

Hezkuntza negoziazio gisa

Oro har, irakasleek hezkuntzari ikuspegi formala ematen diote, ikasleek, ostera, ikuspegi informalagoa.

Hezitzaile eta psikologo desberdinek bi ikuspegi horiek bat egiteko tresnak aurkitzen saiatu dira. Beste batzuen artean, Friedrich Frobel, Maria Montessori material manipulatzaileak sortu zituzten ikasleei kontzeptuak aztertzen laguntzeko. Ikasleek kontzeptuak esperimentatzen zituztenean, gero hobeto aztertzeko gai zirela konturatu ziren.

Hau da, ikasleek kontzeptu matematikoak modu zehatzean aztertu behar dituzte haien pertzepzio eta ekintzen bitartez. Ondoren, irakasleek teoriak eta ereduak azal ditzakete.

Abrahamson irakasleak, irakasleen eta ikasleen arteko elkarguneak bilatzeko ahaleginean, hainbat estrategia erabiltzen ditu ikasleei kontzeptu matematikoak ulertzen laguntzeko. Horretarako, probabilitatea oso interesgarria da.

Zoria: probabilitatea irakasteko modu berri bat

Heldu askok probabilitatea erronka handia dela diote. Horregatik, Abrahamsoni gai hau irakasleei laguntzeko erabiltzea gustatzen zaio.

Jarraitu aurretik, galdera honi erantzun:

Demagun txanpon bat lau aldiz airera botatzen duzula. Ondorengo emaitzetatik, zein izango litzateke probableena, aurpegi-gurutze-gurutze-aurpegi edo aurpegi-aurpegi-aurpegi-aurpegi?

Pertsona gehienek ""aurpegi-gurutze-gurutze-aurpegi"" ateratzea probableagoa dela erantzungo luke. Baina hori ez da egia. Abrahamsonek txanponek memoriarik ez dutela azaltzen du. Hau da, % 50eko aukera dago. Beste prozesamendu askorekin bezala, pertsonek erantzun irrazionalak aukeratzen dituzte.

Gure erantzun irrazionalak jaioberriek ere duten sen natural batean du jatorria.

Galdera beste era batera egin. Aurpegiak edo gurutzeak zein ordenatan agertuko diren pentsatu beharrean,  pentsatu txanpon bat lau aldiz airera botatzen duzunean, litekeena al da 2 aurpegi eta 2 gurutze edo 4 aurpegi lortzea?

Orain erantzuna 2 aurpegi eta 2 gurutze da. 2 aurpegi eta 2 gurutze lortzeko 6 modu desberdin daude, baina 4 aurpegi lortzeko modu bakarra:

• gurutze-gurutze-aurpegi-aurpegi
• gurutze-aurpegi-aurpegi-gurutze
• gurutze-aurpegi-gurutze-aurpegi-
• aurpegi-aurpegi-gurutze-gurutze
• aurpegi-gurutze-gurutze-aurpegia
• aurpegi-gurutze-aurpegia-gurutze

Ikerketa batek frogatu zuen urte bateko haurrek ere harridura agertzen dutela gertaera gertaezinak gertatzen direnean. Ikerketan, haurrek bost pilota kaxa batean errebotatzen ikusiten zituzten. Pilota batek kolore desberdina zuen. Kolore desberdineko pilota ateratzen zenean, haurrak harritu egin ziren.

Abrahamson doktoreak haur talde batekin eta kanikaz betetako edukiontzi batekin lan egin zuen. Kaniken erdiak berdeak ziren eta beste erdiak urdinak. Abrahamson irakasleak zion haurrek asko zekitela probabilitateari buruz, pala bat eskaini baitzien lau kanika biltzeko, eta kaniken konbinaziorik probableena 2 berde eta 2 urdin izango zirela erabaki zutelako.

Pilotekin lanean ibili ondoren, Abrahamson doktoreak txartel batzuk eman zizkien haurrei. Txartelek 16 kanika-konbinazio posibleak erakusten zituzten.

Gero, Abrahamson doktoreak haurrei galdetu zien ea kaniken-konbinazio bat beste bat baino probableagoa zen ala ez.

Kanikekin asko praktikatu ondoren, haurrak konturatu ziren ez zela konbinazio bat beste bat baino probableagoa. 1/16eko probabilitatea dago. Hala ere, patroia ezagutzen ez badute, erraz ikus dezakete kolore bakoitzeko 2 kanika lortzeko probabilitatea handiagoa dela. Era berean, ez da hain erraza kanika guztiak berdeak edo urdinak izatea lortzea.

Hasiera batean, ikasleek uste dute kaniken ordenak edo antolamenduak ez duela axola. Hala eta guztiz ere, irakaslearen laguntzarekin, BAI axola duela ikas dezakete.

Irakasleek gaizki-ulertu batzuk saihes ditzakete probabilitatea lantzean. Ordenaren garrantziatik abiatu beharrean, zergatik ez abiatu ikasleen ideiatik? Hau da, 2 berde eta 2 urdin lortzea 4 berde lortzean baino probableagoak delaren ustetik abiatzea.

Ikasleek estresa eta antsietatea saihes ditzakete, eta horren ordez, haien ezagutza arrakasta-abiapuntu batetik garatu.

Manipulazioari esker, ikasleek mundu erreala azter dezakete eta irakasleen eta ikasleen artean abiapuntua aurkitu.

Bideo osoa ikusi