Ko te Māramatanga ā-Ariā ko te tūhono i ngā wāhanga rerekē o te mātauranga pāngarau ki tētahi māramatanga torowhānui mō tētahi kaupapa ake. Hei whakarāpopoto, koinei te take i mua i tētahi whakautu.

Kei te hanga mātou i tā mātou aronga ki te whakawhanake i te māramatanga ā-ariā i te pūtake o ngā mātāpono e rima.

Te ahu atu i te Kiko ki te Ariā

Ko te pāngarau ko te matatini o ngā āhuatanga ariā, heoi anō kia whakawhanaketia te māramatanga ā-ariā tūturu, houtupu, ā, kia kaua e whai noa i ngā hātepe, me ahu atu tātou ngā taumata katoa o ngā āhuatanga ariā, mai i ngā mea tino kiko, ki ngā mea tino ariā. Kei te whakawhanaketia nga ngohe a Matific ki tētahi āhua, kia kawea ngā tamariki ki tētahi ara mai i ngā āhuatanga tino tūturu, kiko hoki o te pāngarau, mā te āta hīkoi mā te tohutanga, kia tae rā anō ki te whakamutunga ka taea e tētahi tamaiti te whakaoti i tētahi rapanga ki te ariā anō hoki. Mā tēnei raupapa ka whakaritea kia kaua ngā tamariki e whakamaumahara noa i tētahi hātepe, engari kē ia kei te mārama pū ki te tikanga o te hātepe.

Te Hiahiatanga mō ngā Tini Kupu Whakarite

Ina whakaako ana i tētahi ariā pāngarau, kia whakawhanaketia te māramatanga tūturu me whakamahi tātou i ngā tini kupu whakarite. Mā te whakamahi i ngā tini kupu whakarite e āwhina tātou i ngā tamariki ki te whakatau whānui i ngā tauira pāngarau, me te kite i te tauira pāngarau e hāngai ana o ngā rapanga ka kitea tuatahitia ai.

Akoranga Tāhuhu me te Whakatō i Mua

Ka kaha aro atu mātou ki te whakatō i mua hei whakatakoto i ngā tūāpapa i mua i te whakaako ōkawa. Inarā ka taea ka ngana mātou ki te whakaatu i ngā rerenga ihumanea ake o tētahi ariā hei āwhina i ngā tamariki ki te mārama ki te ngako o taua ariā. Mā konā e whakapakari ai te māia a tētahi tamaiti, e āwhina ai āna pūkenga whakaoti rapanga, e tū toka ai i te āwangawanga pāngarau.

Te Kite Hononga whakawhiti atu i ngā Kaupapa

Kei te whakawehea e ngā pukapuka me ngā marau pāngarau i ngā kiko ako ki tētahi kohinga pūkenga. Mā tēnei whakarōpūtanga kaupapa tātou e āwhina ki te hanga i tētahi raupapa ako, engari me whakamaumahara tātou i a tātou anō e honohono ana ngā mea katoa, ā, kāore i te tū tahi ai ngā kaupapa. Ki Matific, kei te whakamana tātou i te tūhononga i waenganui i ngā kaupapa nā te mea kia whakawhanaketia ai te māramatanga hōhonu, he mea nui kia māramatia kaua ko te āhuatanga anake, engari anō ko te take, te wā, te ara anō hoki.

Te Kōrero Whakahoki Pai me te Whai Mōhio

Kei te whakamahia e Matific tētahi raupapa 3 paheko, whakautu hē hei tuku i te tautoko ka tae mai hei te wā whakamutunga e ākina ai ngā tamariki te arotake i tā rātou hapa me te whakamātau anō. Kei te tuku mātou i ngā marohi, ā, ina hiahiatia, kei te tuku i ngā paheko marohi hei whakaoti i tētahi rapanga. Mā konā ngā tamariki e whai i ngā taputapu ki te whakahoki tika i te rapanga whai muri.

Kei te taurima a Matific i te Whakaaro Nui mā te āki i ngā tamariki ki te wero i ngā tautuhinga me ngā whakakapinga. Kei te torohaki mātou i a rātou ki te ui i ngā āhuatanga pērā i "Hei āhea tēnei e hāngai ana?" "He aha ngā āhuatanga me tū kia tuku i tēnei puakitanga". Kei te āki mātou i ngā tamariki kia tatari kia tino whakawheretia, wahio ko te whakaae noa ki ngā ture i te tirohanga tuatahitanga.

Kei te whakapakari mātou i ngā pūkenga Whakaaro Nui ki ngā pou e whā e whai ake nei.

Te Whakawhanake i ngā Pūkenga Whakaoti Rapanga

Kei te ngako o te pāngarau te whakaoti rapanga. Kei te tino kitea ki ngā marau puta noa i te ao, heoi anō he uaua te whakaako i te whakaoti rapanga i runga i te paku noa o te rerekētanga i waenganu i te wero me te whakahēmanawatanga. Kua hoahoatia ake ngā ngohe matific kia tukuna ngā tamariki i te aro atu ki ngā rapanga hou, me te rapu i ngā ara hou hei whakaoti rapanga, inarā kāore he hātepe pūrangiaho.

Te Whakarite i te Noho Haepapa

He mea pūtake te āheinga ki te aroturuki, me te mārama ki a koe anō ki te whakawhanaketanga o te tū motuhake ā-mātauranga a tētahi tamaiti. Kei te tuku a Matific ki ngā tamariki te taiao ka taea ai e rātou te mārama ki ā rātou hapa. Ka whai mātou i ā rātou hapa ki ngā whakakapinga arorau kia kitea ai e rātou i pēhea i hapa, i hea hoki.

Te Noho Piri ki te Hapori Pāngarau

Ka ariā pea te hapori Pāngarau mai i te ao o ia rā a te tamaiti, engari kei te hiahia mātou kia kitea e ngā tamariki te rerehua ki te pāngarau. Ki Matific kua hanga mātou i tētahi taiao e hāneanea ana tā ngā tamariki tuku pātai, mahi i ngā mahi, ā, ko te mea nui tū hei kaituku ki te pāngarau.

Tini Rautaki, Tini Otinga

Ki te ao o ia rā, he tini ngā otinga o ngā rapanga, ā, e ōrite ana te pāngarau. Kāti koa, he āhuatanga ngā tini rautaki o ngā rapanga matatini. Mā te whakaahei i ngā tini rautaki me ngā tini otinga, e āki ai mātou i te auahatanga me te pārekareka o te pāngarau. Kei te tuku a Matific i ngā rapanga me ngā tini ara hei whakahoki i tētahi rapanga, mā korā ngā tamariki e āhei ai te whakakite i ngā māramatanga hou, te tae atu ki ō rātou ake whakakapinga, me te whakahōhonu i ā rātou māramatanga ki ngā rapanga.

Mā te hanga i te pāngarau ki tētahi horopaki tūturu e whai kiko ana ki ngā tamariki, kei te tuku mātou i a rātou ki te kite i te hiranga o ngā ariā pāngarau rerekē ki ā rātou mahi o ia rā. Mā tēnei tūturutanga e whakaritea ai hei te kukuhutanga mai o ngā ariā nui ake, ka māia ngā tamariki i te māramatanga o te hononga ki ā rātou mahi o ia rā.

Te Hāngaitanga ki ngā Tamariki

Ko te whakarite i te hāngaitanga he mea pūtake kia whakarite i te hononga me te whakahihikotanga ki te pāngarau haere ake nei. He nui rawa ngā wā ka kitea te pāngarau hei ariā, e noho wehe ana i te ao o ia rā o ngā tamariki. Ki Matific, kei te tuku mātou i te marau e pārekareka noa ana ki ngā tamariki. Ka hāngai pea te marau ki ngā kiriata e mātakitakina ana e rātou, ngā tākaro e tākarotia ana, te ao huri noa i a rātou rānei. E hāngai ana ā mātou pāngarau ki ō rātou ao o ia rā. Kei te hanga hoki mātou i ngā ao, i ngā rapanga ka taea e ngā tamariki te whakamahi i ō rātou pohewatanga, hākinakina anō hoki. Me āhei e rātou te pohewa i te ao e ngana ana mātou te whakaatu.

Ngā Tautuhinga Tūturu

Ko tētahi aronga matua o ngā ngohe a Matific ko te tuku ihumanea ki te ariā pāngarau. Ko te ara pai rawa kia pēnei ai ko te whakawhirinaki ki ngā ihumanea kei ngā tamariki kē. Ka pēnei mātou mā te whakawhirinaki ki ngā wheako māori, ao tūturu a ngā tamariki. Kua āta hoahoatia ā mātou rapanga, kua āta kōwhiritia kia ako, kia whanake, kia whakapakari ai ngā tamariki i ngā whakaaro hou puta noa i ētahi horopaki tūturu. Kei te kaupare mātou i ngā horopaki kāore i te tino tūturu arā ngā horopaki kāore ngā tauira e whakaatu ana i te ao tūturu, arā ki te kōrerotia te tau 6, ka whakaaturia ngā hēki e ono ki tētahi pouaka, kaua ko ngā harore e 6 ki te ngahere.

Kōrero Whakahoki ō-Roto

Ko te kōrero whakahoki noa ki te mātauranga ko tētahi nō waho e kī ana ki te tamaiti "Kua hē koe", heoi anō, ko te tuku i te horopaki whai tikanga ko te tuku hoki i te kōrero whakahoki ō-roto, whai horopaki. Ki Matific kei te tuku mātou i ngā kōrero whakahoki ō-roto e hāngai pū ana ki te taiao o te rapanga. Kei te ahu tōtika mai te kōrero whakahoki i ngā mahi i mahia e te tamaiti, ā, ehara i te whakawānga nō waho.

He ara ako ahurei nō ia tamaiti, mai i ngā tere ako rerekē, ki ngā āhuatanga ako rerekē. Mā te tuku i te pātai tika i te wā tika e āhei ana mātou te tuku i ia tamaiti ki te whai i tōna ake ara ako. Mā te tuku i tētahi taiao ako hei reira ngā tamariki e āhei ana te tū hei rangatira o tōna ake akoranga, kei te taurima mātou i te tū motuhake, tērā anō ka whakaritea hoki, ahakoa ō rātou hiahia ako, ka taea e ngā tamariki te ara atu ki ia pātai ki te ara e hāngai ana ki ō rātou kaha.

Ngā Haerenga Whakawhaiaro

Kua āta hoahoatia ngā ngohe a Matific hei whakarite ka taea e ngā tamariki te whakaoti i ngā mahi ki te tere, ki te āhua e pai ana ki a rātou anō. Ko te tikanga o tēnei, ki te kore mātou e tono ana i ngā tamariki ki te haratau i te rerenga, kāore i te whakamahia ngā here wā. Kei te tuku mātou i ngā tamariki ki te hoki atu ki tētahi ngohe te nui rawa o ngā wā e hiahiatia ana hei whakapiki i te piro. Kei te whakapono mātou ka hiahiatia e ngā tamariki te wā, me te wāhi hei ruku ki ngā kaupapa, me te whakatutuki i ngā wero e arohia ana e rātou.

Te Puāwai ki tētahi Akomanga Matatini

He pāuaua i ngā wā katoa te puāwai ki tētahi akomanga tini-āheinga mā ngā tamariki, mā ngā kaiako anō hoki. Kei te tuku a Matific i ngā tini taputapu rerekē kia kaua e ora noa iho, engari kia puāwai ai ki ēnei momo taiao akomanga.

Ngā Kōrero Whakahoki me ngā Tīwhiri Whakawhaiaro

He wāhanga pūtaketake te kōrero whakahoki o te hātepe ako, heoi anō mēnā ka iti rawa, ka nui rawa rānei te mōhiohio ki te kōrero whakahoki kāore e āwhinatia te tamaiti ki te mārama ki tāna hapa, ki te rapanga rānei. Ki Matific, kei te whakamahi mātou i ngā whakautu ka tukuna e te tamaiti, hei hoatu i te kōrero whakahoki pai, whakawhaiaro hoki ka whai whakaarotia ki te whakautu ake a te tamaiti, mā reira e whakarite ai te tautoko ka tae mai hei te wā whakamutunga.

Ko te whakarite kia pāhekoheko tūturu ngā tamariki ki te pāngarau he mea pūtake ki te hanga i ngā tūāpapa ki te roa o te oranga ki te pāngarau. Ki Matific, kei te wero mātou i a mātou anō ki te hanga i te marau pārekareka. Ka kīia pea ko Matific tētahi wāhi e pīrangi ana ngā tamariki ki te noho. He whakapoapoa ngā tāngata, he whakangārahu ngā horopaki, e āhei ana ngā rapanga. Ka hiahia koe ki te noho tonu mai kia kite i te hua o te pūrākau. I taua wā tonu, kei te noho mataara mātou kia kaua tēnei wheako kaimahi pāhekoheko e takahi i te tikanga whakaako.

Whakaheke Mānukanuka

Ina kotahi anake te whakautu, he pūrangiaho te kitea ina hē tētahi whakautu. Mā konei, tahi ko te ahurea e honohono ana te mūhore ki te atamai iti, e mānukanuka ai te tamariki; hei reira rātou e karo i te pāngarau ki ngā tau teitei ake.
He pūtaketake mō te ako te wairua matatau me te māia, ki Matific kei te whakamahi mātou i tētahi taiao kua whakakēmutia hei tuku i te taiao mō te torohē, nō reira ka whakahekea te mānukanuka.

Te Whakaoho i te Pākiki me te Tuku i te Ūnga kia Puāwai

Ko te taurima i te taiao e wātea ana ngā tamariki ki te whai i tā rātou pākiki, ki te whakakaha i tō rātou ūnga he wāhanga nui o te whakarite i tētahi taiao mātauranga atawhai. Ka pēnei mātou mā te tuku ki ngā tamariki te nui o te mana whakahaere i ō rātou kokenga, te tuku ki a rātou te herekorenga ki te torohē, ki te whakatau ka ahatia, ka pēhea hoki te koke. He mea whakahorohoro ā mātou ngohe, he pāhekoheko anō hoki. Kei te tuku mātou i ngā tini wā hei whakautu, ā, kei te ākina ngā tamariki ki te pīrangi kia noho tonu tae atu ki te whakamutunga.

Ka Tukuna te Wāteatanga ki te Hinga

Ka kitea anake te akoranga tūturu mā te oke whai hua, mā korā ka tū mai tētahi wero kei mua i a koe, ka hinga, ka hinga anō, kātahi ka eke.
Ki Matific, kei te whakamahi mātou i te kupu whakarite o te taiao kua whakakēmutia hei whakarite kāore ngā tamariki i te mataku ki te hinga. Pērā anō i ngā kēmu kei te tākarohia e rātou, ko te hinga tētahi wāhanga o te eke me te koke puta noa i ngā rapanga. Mā te whakamahi i Matific, e kite ai ngā tamariki ehara ngā hapa i te whakatumatuma, engari kē he hātepe ako māori.

Ka Whakapau i te Hangarau kia Whakatutuki i te Pāhekoheko ō-Roto

Kei te tukuna e te hangarau te tino angitu ki te whakarākei i te wheako mātauranga engari kāore te nuinga o ngā kaituku ahumoni i te tuku i te nui atu i ngā papamahi matihiko. Ki Matific, kei te ue mātou i te hangarau ki ōna pito hei tuku i ngā tini mano āwhina whakaako, taiwhanga mariko, taiao pāhekoheko anō hoki.

Ako mā te Mahi

E tino hāngai ana ki te whakaakoranga o nāianei te kīanga a Confucious, "Ko tāku e rongo, ka wareware, ko tāku e kite, ka maumaharatia, ko tāku e mahi, ka māramatia". Kua whakaaturia e ngā rangahau he pai kē atu te ako ā-ringa i te ako hāngū.
Ki Matific, kei te tuku mātou i ngā rapanga whai wāhanga pāhekoheko, mā korā e tuku ana i ngā tamariki ki te whai mātauranga mō rātou anō, e whakawātea ana kia puta mai ngā wā "Aha".