Te Whakaako me te Ako i te Rau Tau 21
Kei te manaaki a Matific i te māramatanga ariā ā-pāngarau, ā, kei te kōkiri i te akoranga e eke ana i ngā aukati reo. Whakakore i te akoranga hangarau me te whakatairanga i te āhua ā-hinengaro tipu haere ki tō akomanga. Kei te taunaki a Matific i tō taiao whakaako, me te whakawātea i a koe hei ārahi, hei whakahaere i te akoranga.
E pai ana mā te kaimahi, ko Matific tērā e wero ana, e tūhono ana i ngā ākonga ki ngā akomanga rerekē. Ka taea māmātia e ngā ākonga te takiuru me te tīmata ake, kia kaua e moumou tētahi paku miniti o te wā ki te karaehe. Kei te tautoko a Matific i ngā aronga whakaako, āhua ako ā-ākonga katoa. Māu e whakatau he aha te mea pai rawa mō tō akomanga: Te hanga i ngā mahere akoranga hāngai, te whai hohe i te kokenga ākonga, te kōwhiri rānei i ngā kōhi aunoa hāngai-paearu mō te akoranga tohu ake.
Ka kopoua aunoatia ngā mahi ākonga i runga i te pāhekotanga o ngā mōhiohio kōkiri raraunga, me ngā hangarau atamai, urutau. Tērā rānei, ka taea e koe te kopou ā-tinana i ngā mahi. Kei a koe te tikanga! Ka takiuru noa ngā ākonga ka whakaoti i ngā mahi, ā, ka kopou a Matific i te mahi whai ake. E pēnei ana te māmā!
Whakamahi i Matific ki te kura, ki te kāinga, ki ngā wāhi katoa!
Kei a koe te tikanga, ka taea te kopou i ngā ngohe Matific ki ngā ākonga hei mahi kāinga, hei mahi kura rānei.
Ka taea e Matific te mahi ki te akomanga mā ngā tini ara rerekē. Ka taea e ngā ākonga te whakamahi i Matific ahakoa te wā mai i tētahi rorohiko, paparorohiko rānei. Ki te whakamahi paparorohiko koe, kāore i te pīrangitia te āheinga ipurangi.
Ka taea e ngā ākonga te mahi i Matific mai i te kāinga, ā, ka kite koe i te katoa o ngā mahi kua oti i a rātou, me ngā tātaritanga mō ngā āhuatanga ka taea e ia ākonga te whakapai ake.
Ka mahi ngā ākonga ki te tere e pai ana ki a rātou
E ākina ana ngā ākonga te mahi i te tere e pai ana ki a rātou, me te whai mana mō tō rātou ake akoranga.
Ka whakamahi ngā ākonga i ngā wheako akoranga pūtake-kitenga e whakahōhonu, e whakahāngai, e whakamahi, e whakahaumako ai i ā rātou māramatanga. Kei te tō mai rātou i ō rātou ake mātauranga, ka tūtaki i ngā raru kāore i te tataritia, ka whakatau i ngā āhuahanga whakahoki, ka "whakatau"i i ō rātou hapa, ka urutau i ō rātou rautaki hei whakatau i ngā rapanga, ka whakawhānui i ngā mātāpono hou ka kawea atu ki ngā āhuatanga hou.
Whakamahi i ngā ngohe Matific hei taputapu whakaako
He pīngore ngā ngohe a Matific:
He pai rawa mō te tuku hei whakamahana i te tīmatanga o te akoranga, hei whakawhitinga i waenga i te akoranga, hei whakarāpopoto akoranga, i tētahi atu wā puta noa i te akoranga.
Ka tae mai ia ngohe ki tētahi arataki kaiako e whakamārama ana i te tikanga whakaako i muri i te ngohe, me te tohu i pēhea a Matific e āwhina i ngā ākonga hei mārama ki ngā ariā hou, me te whakawhanake i ngā pūkenga hou.
Ka tae atu hoki ki ia ngohe tētahi mahere akoranga tautuhi e whakamahere ana māu ngā ara pai rawa hei hanga i tētahi raupapa o ngā ngohe Matific kia noho hei akoranga pāhekoheko e pai ai ō whāinga marau.
Whakamahi i a Matific ki ngā mahi ā-rōpū
Kei te whakakāngia e ngā ngohe Matific ngā kaupapa kōrerorero, ā, ka whakakataina ngā ākonga. Nō reira he pai rawa ina hiahia koe ki te whakamahi ki ngā mahi ā-rōpū.
Tukuna ngā ākonga ki te mahi tahi ki tētahi o ā mātou ngohe hei ngohe akoranga.
Whakamahi i Matific mō ngā ākonga katoa
Ka pārekareka ngā ākonga whai hiahia ako tere i te āheinga ki te torohē tonu.
Ka tūhono mai, ka whakamanahia ki te ako i ngā wā katoa ō ākonga eke panuku, nā te mea kei te tuku a Matific i te whānuitanga o te ihirangi hei whakaahei i te whakaarotanga taumata kē atu.
Kei te tautoko a Matific i ngā ākonga katoa mā ngā ara kua whakamaheretia, whai take, kua whakarerekētia hoki.
Te whakahaere i tō akomanga
Kei te tuku a Matific i a koe ki te aroturuki i te kokenga o ngā ākonga katoa mā ngā pūrongo wā tū.
Waihoki, ka taea e koe te tiro i te kokenga o ngā ākonga mā ngā ariā o ngā paearu marau.
Hei kaperua, ka kite koe i tā ia ākonga hītori ngohe, kokenga, me ngā mahi whai muri. Ka taea e koe te whakarerekē noa i ēnei ngohe kopou aunoa mēnā e pīrangi ana koe kia pēnei.
Me te paku pāwhiri, ka whakaputa a Matific i ngā pūrongo wā tū, whaiaro māu.
Whakamātauhia ā mātou Pūrongo
